乜 Q 84 之 Facebook

尋日（五月十六日）係 Facebook 寫既野：

我：其實大家係唔係想保留功能組別，甚至想廢除直選呢？點解唔去投票呢？
===

甲：好多人根本唔知咩事，以為佢地真係喺度浪費公帑所以杯葛補選，可悲可悲~
===

我：希望冇去投票既人可以明白功能組別唔可以代表到大家﹣﹣佢地唔係你選出來，唔使向你負責。唔好再天真以為政府（或者功能組別既議員）可以幫到你，只唯自己先可以。
===

乙：我相信好多冇去投票的人, 有以下兩個誤解:
1. 以為今次 1.5 億補選真係浪費錢, 忘記這個機會可以省回未來更多因制度問題而白白益了既得利益者的錢
2. 以為今次政改方案已經有了突破, 忽略了"加多粒糖,但加多杯水", 政改方案在民主路上原地踏步.
===

我：經過呢次選舉，我更加明白呢幾件事：
一、共產黨既政治手段好高明﹣﹣叫民建聯、自由黨唔去玩，令公社兩黨冇對手，冇對手就冇戰場。香港所謂既政客完全唔入流。如果佢地來香港參選，佢地都會當選。

二、民建聯既動員能力好高，白姐姐定黃毓民既勝敗都要睇個頭。下屆，民建聯依然會係立法會內最大黨。

三、民主黨可以唔辭職，但點解唔幫手拉票呢？我對佢地好失望，下次我唔會再投票俾佢地。如果區議會只有民建聯同民主黨，我會投白票或者廢票。

四、社民連太過激動，最少係電視畫面上係咁，多數香港人都唔中意，所以黃毓民既選情會告急。

五、多數香港人或者支持保留功能組別，甚至支持委任制，民選只係浪費公帑、浪費時間既遊戲。

六、網上世界多數支持泛民，現實世界（尤其係長者）多數支持建制派。

九七前，我冇權投票，只可以係學校選 SA 會長，但我仍然珍惜我既一票。而家，我希望香港未來可以有改變，所以我珍惜手上既一票。然而，屋企既長輩完全不珍惜。可慘既係佢地都被共產黨迫害過，但而家完全失憶。或者，係我記仇、食古不化。

人心思變，台灣、美國、日本同英國都變左天。香港呢？
===

丙：我覺得 point "三"反而先係令人諗唔明...
===

我：RTHK - 《黃毓民稱投票率低　因政府打壓及盟友沒動員支持》
立法會補選九龍西候選人、社民連的黃毓民預計，九龍西的投票率約有兩成，他有信心能夠贏回議席。

他認為，盟友民主派及民主黨沒有動員支持者出來投票，以及政府打壓選舉，是低投票率的原因。

黃毓民又認為，建制派有動員支持者投票給對手白韻琹。

***
暫時放下 CFA 都要投票，但民主黨做咩唔幫手呢？佢地想考產黨黨員試？
===

我：今日 Like 左六十幾個有關選舉既 Posts。哈哈...
===

丁: 由 Day 1 開始, LSD 已是贏家, 可能是唯一贏家!
===

我：LSD 已經係激進民主派既領軍，今後佢地會同溫和民主派同建制派三分香港既議會政治。係比例代表制下，佢地下次立會有更多議席，就算七十後、八十後唔 Like 佢地都好。

引伸閱讀：
乜 Q 84 之投票 (15.05.2010)
乜 Q 84 之五一六 (11.05.2010)
乜 Q 84 (06.05.2010)